"Qarabağ"ın Avroliqa rəqibi son dəqiqələrdə 2 qolla qələbə qazandı
UEFA Avropa Liqasının əsas mərhələsində "Qarabağ"a rəqib olacaq "Ayaks" Niderland çempionatında növbəti qələbəsini qazanıb.
Mediasport.az xəbər verir ki, Amsterdam klubu 8-ci tur çərçivəsində "Qroningen"i qəbul edib.
Françesko Fariolinin rəhbərlik etdiyi kollektiv matça artırılmış son dəqiqələrdə əzmkar qələbəyə sevinib.
90+1 və 90+3-cü dəqiqələrdə iki qol vuran "Ayaks" (3:1) 3 xalı hesabına yazdırıb.
Xallarının sayını 13-ə çatdıran və lider PSV-dən 11 xal geri qalan paytaxt təmsilçisi turnir cədvəlinin 5-ci pilləsində qərarlaşıb.
Xatırladaq ki, "Qarabağ" - "Ayaks" görüşü oktyabrın 24-də Bakıda baş tutacaq.
