"Qarabağ"ın futbolçusu yayda vətəninə qayıdacaq? - AÇIQLAMA
"Bu cür xəbərlər qışda da yayılmışdı. O zaman da təkzib etmişdim. İndi də deyirəm ki, məlumatlar həqiqəti əkst etdirmir".
Mediasport.az xəbər verir ki, bu sözləri Albaniya mətbuatına açıqlamasında "Qarabağ"ın hücumçusu Redon Cica deyib.
26 yaşlı forvard Ağdam klubundan ayrılmağı düşünmədiyini bildiirb:
“Qarabağ"da özümü rahat hiss edirəm. Albaniyaya qayıtmaq, orada oynamaq kimi planım yoxdur. "Tirana"da oynayanda özümü sübut etmişəm".
Qeyd edək ki, ötən ilin yanvarından "köhlən atlar"ın formasını geyinən albaniyalı qısa zamanda əsas heyət üzvünə çevrilərək avrokuboklarda ard-arda qollar vursa da, sonradan zədə və Olavio Juninyonun transferi onun "11-lik"də yerini itirməsilə nəticələndi.
