"Qarabağ"ın oyununa biletin qiyməti 35 manatdan başlayır
Avropa Liqasının qrup mərhələsinin ikinci turu çərçivəsində oktyabrın 5-də "Hekken"in qonağı olacaq "Qarabağ"ın oyununa biletlər satışa çıxarılıb.
Mediasport.az xəbər verir ki, Göteborq klubu biletlərin qiymətini sektor və kateqoriyadan asılı olaraq 230-415 İsveç kronu (təxminən 35-65 AZN) arasında müəyyənləşdirib.
Qarşılaşma “Ullevi” stadionunda keçiriləcək və Bakı vaxtilə saat 23:00-da başlanacaq.
