"Qarabağ"ın tarixini, baş məşqçisini və onun gördüyü işləri bilirəm"
“Qarabağ”ın beynəlxalq arenada böyük təcrübəsi var. Rəqibimiz hərtərəfli güclü olan Avropa komandasıdır. Bu komandanı, tarixini, baş məşqçisini və onun gördüyü işləri bilirəm. Qurban Qurbanov böyük peşəkardır”.
Mediasport.az xəbər verir ki, bu sözləri Bolqarıstanın “Ludoqorets” klubunun baş məşqçisi Georgi Dermenciev deyib.
69 yaşlı mütəxəssis UEFA Çempionlar Liqası 3-cü təsnifat mərhələsin sabah qarşılaşacqları "Qarabağ"la oyunöncəsi fikirlərini bölüşüb:
"Heyətimizdə kifayət sayda futbolçu var və Tekpeteylə Kayo olmadan oynamalıyıq. “Qarabağ”la ilk görüşdə futbolçularımı daha yaxından tanıdım. Əminəm ki, onlar heç nədən qorxmurlar. Sabahkı matç bizim üçün həddən artıq vacib və çətin oyun olacaq. Futbolçularımız yaxşı formadadırlar, bütün fikrimizi bu qarşılaşmaya yönəltmişik".
Cavab dueli sabah Bakı vaxtilə saat 22:00-da "Razqrad Arena"da reallaşacaq.
Xatırladaq ki, Azərbaycan çempionu ötən həftə Bakıda məğlub olub - 1:2.
