"Qəbələ" 4 futbolçu ilə 2 illik müqavilə bağladı - RƏSMİ
Futbol mövsümünü Azərbaycan Kubokunu qazanmaqla başa vuran "Qəbələ” dörd futbolçusu ilə müqaviləni yeniləyib.
Klubdan mediasport.az saytına verilən məlumata görə, şimal təmsilçisi İlkin Qırtımov, Urfan Abbasov, Murad Musayev və Emil Səfərovla anlaşmaların müddəti uzadılıb.
Bu futbolçularla imzalanan yeni müqavilələr daha iki ili əhatə edir. Əvvəlki anlaşmaları 2022-2023-cü illər mövsümünün sonunda başa çatan oyunçular 2025-ci ilin yayına qədər “qırmızı-qara” formanı geyinəcək.
“Qəbələ”nin tarixində ən çox oyun keçirən Abbasov 267 dəfə (4 qol) meydana çıxıb. Musayev 104 (3 qol), Səfərov 57 (4 qol), Qırtımov 38 görüşdə “qırmızı-qara” formanı daşıyıb.
