"Zirə" yenə uduzdu, "Neftçi" Sumqayıtda xal itirdi - PREMYER LİQA
Premyer Liqada bu gün 13-cü turun daha iki oyunu baş tutub.
mediasport.az xəbər verir ki, ilk matç Qəbələdə oynanılıb və 4 turdur qələbə qazana bilməyən meydan sahibləri tilsimi qırıb. "Zirə" ardıcıl ikinci görüşdə meydanı məğlub tərk edib.
Günün Sumqayıtda keçirilən "Sumqayıt" - "Neftçi" qarşılaşması, gözlənildiyi kimi, dramatik və gərgin alınıb. Samir Abasovun keçmiş komandasına qarşı xüsusi hazırlaşacağını əvvəldən proqnozlaşdırmaq çətin deyildi. Ev sahiblərinin hesabda 2 dəfə irəli keçməsi və yekunda qeydə alınan 2:2-lik nəticə məhz bundan xəbər verir.
Turun açılış qarşılaşmasında Tovuz səfərində "Turan Tovuz"u gözlənilməz şəkildə məğlub edən (3:1) "Şamaxı" mövsümdə ilk qələbəsini rəsmiləşdirib. Qalan iki duel sabah oynanılacaq.
Premyer Liqa. 13-cü tur
5 noyabr (şənbə)
“Qəbələ” – “Zirə” 1:0
Hakimlər: Rauf Cabarov, Namiq Hüseynov, Eyyub İbrahimov, Nicat İsmayıllı
Hakim-inspektor: Ramil Diniyev
Qəbələ şəhər stadionu
“Sumqayıt” – “Neftçi” 2:2
Hakimlər: Cavid Cəlilov, Rahil Ramazanov, Vüsal Məmmədov, Vüqar Həsənli
Hakim-inspektor: Babək Quliyev
“Kapital Bank Arena”
6 noyabr (bazar)
15:00. “Səbail” – “Sabah”
Hakimlər: Əliyar Ağayev, Zeynal Zeynalov, Elşad Abdullayev, Rəşad Əhmədov
Hakim-inspektor: Orxan Məmmədov
“ASCO Arena”
19:00. “Qarabağ” – “Kəpəz”
Hakimlər: Rəvan Həmzəzadə, Akif Əmirəli, Cəmil Quliyev, Fərid Hacıyev
Hakim-inspektor: Ömər Paşayev
Tofiq Bəhramov adına Respublika Stadionu
4 noyabr (cümə)
15:00. “Turan Tovuz” – “Şamaxı” 1:3
Qollar: Runi Eva, 33, pen., - Kamran Quliyev, 17, Rauf Hüseynli, 42, Fuad Bayramov, 51
Hakimlər: Rauf Allahverdiyev, Kamran Bayramov, Müslüm Əliyev, Kamranbəy Rəhimov
Hakim-inspektor: Vüsal Əliyev
Tovuz şəhər stadionu
