Kəmalə Əsgərova ilk dəfə ölkəmizi beynəlxalq yarışda təmsil edəcək
Azərbaycanlı hakim Kəmalə Əsgərova Avropa Voleybol Konfederasiyası tərəfindən təyinat alıb.
Mediasport.az xəbər verir ki, beynəlxalq dərəcəli hakim diplomuna yeni layiq görülən Əsgərova qitəmiqyaslı yarışda ölkəmizi ilk dəfə təmsil edəcək.
O, 16 yaşadək qızlar arasında Şərqi Avropa Voleybol Zonal Assosiasiyası (EEVZA) çempionatında hakimlik edəcək.
Noyabrın 20-23-də Polşanın Debitsa şəhərində keçiriləcək yarışda Azərbaycanla yanaşı, Latviya, Gürcüstan, Ukrayna, Litva, Estoniya və ev sahiblərinin komandası mübarizə aparacaq.
