Yığmamızın üzvündən "Neftçi" rəhbərliyinə SƏRT SÖZLƏR
“Neftçi”yarımmüdafiəçi Eddi İsrafilovla yollarını ayırıb.
Mediasport.az xəbər verir ki, 31 yaşlı futbolçu ilə imzalanan müqavilənin müddəti uzadılmayıb.
Xatırladaq ki, Azərbaycan millisinin üzvü "ağ-qaralar"a 2022-ci ilin yanvarında transfer olunmuşdu.
Eddi geridə qalan müddətdə paytaxt klubun heyətində 71 oyun keçirib, 7 qol vurub.
O, sosial şəbəkə hesabında vida paylaşımı edib və klub rəhbərliyinin ünvanına ittihamlar səsləndirib:
"Salam "Neftçi" ailəsi! Mən sizinlə tam fərqli sağollaşmaq istəyərdim, bu klubda çoxlu mehriban işçilər vardı.
Amma klubun zəif idarəçiliyi və həmişə addımların gec atılması səbəbindən bunu belə etməliyəm! Mənə və ailəmə bəxş etdiyiniz bütün sevgiyə görə sizə təşəkkür etmək istəyirəm, sizi hər zaman ürəyimdə daşıyacağam. Bu formanı geyindiyim və bu komandanın kapitanlarından biri olduğum üçün fəxr edirəm. Gələcəkdə sizə uğurlar arzulayıram.
Əziz azarkeşlər, bu insanlara heç vaxt klubda istədiklərini etməyə imkan verməyin, unutmayın ki, siz klubun özüsünüz, siz komandanın DNT-sisiniz və bu klubun əsl motoru sizsiniz! Hamınızı bağrıma basıram. Bir daha "Forza Neftçi"!
