Rüstəm Əhmədzadənin karyerasını harada davam etdirəcəyi dəqiqləşdi
İcarə əsasında "Zirə"də çıxış edən Rüstəm Əhmədzadənin karyerasını hansı klubda davam etdirəcəyi dəqiqləşib.
MediaSport.az saytına verilən məlumata görə, Azərbaycan milli komandasının futbolçusu daha 1 il qəsəbə təmsilçisinin formasını geyinəcək.
Rəşad Sadıqovun komandası forvardın müqavilə ilə məxsus olduğu "Qarabağ"la anlaşmanın uzadılmasını razılaşdırıb. Əhmədzadənin Ağdam klubu ilə müqaviləsi 2026-cı ilin yayına qədərdir.
Ukraynanın "Zirka" klubunun yetirməsi "Zirə"də ümumilikdə 32 oyuna 2 qol vurub. O, doğulub boya-başa çatdığı ölkədə “Aleksandriya”, “Kolos”, “Poddolye” və “Minay”ın formasını geyinib.
2021-ci ildən şərəfini qoruduğu millimizin heyətində 6 dəfə meydana çıxıb.
