"İstədiyimizə nail olduq, davamı gələcək" - "Sumqayıt"ın hücumçusu
"İstədiyimizə nail olduq. Artıq Avropaya gedirik".
Mediasport.az xəbər verir ki, bu fikirlər "Sumqayıt"ın hücumçusu Erik Sorqaya məxsusdur.
Estoniyalı forvard instaqram hesabında paylaşım edərək komandasının avrokuboklara vəsiqə qazanması haqda yazıb:
"Komandaya və bu nailiyyətdə əməyi olan hər kəsə təşəkkür edirəm. Möhtəşəm atmosfer və bütün mövsüm boyunca bizi dəstəklədiyi üçün azarkeşlərimizə təşəkkür edirik. Davamı gələcək".
Xatırladaq ki, "gənclik şəhəri" təmsilçisinə avrokubokları gətirən qələbə qolunu Premyer Liqanın son turunda məhz Sorqa vurub - 1:0.
