"Turan Tovuz"dan Azərbaycan Premyer Liqasında yubiley qələbəsi
!["Turan Tovuz"dan Azərbaycan Premyer Liqasında yubiley qələbəsi](https://mediasport.az/uploads/images/202404/image_750x_6613b44e27f99.jpg)
"Turan Tovuz" Azərbaycan Premyer Liqasının 29-cu turunda "Sabah"ı məğlub edib (2:0).
Mediasport.az xəbər verir ki, bununla da Tovuz klubu ölkə çempionatında 20-ci qələbəsini qazanıb.
2022/23 mövsümündə Elitada debüt edən qərblilər bunu 65-ci oyunda rəsmiləşdiriblər.
Ayxan Abbasovun komandası 11 dəfə evdə, 9 dəfə səfərdə 3 xal qazanıb.
Beləliklə, bölgə klubu Azərbaycan çempionatında ən azı 20 qələbə qazanan 39-cu komanda olub.
"Turan Tovuz"un Premyer Liqadakı ilk qələbəsi 2022-ci il avqustun 13-nə təsadüf edib. Qərblilər səfərdə "Səbail"i məğlub ediblər - 1:0.