"Qarabağ"la matça bilet alanlar dəyərli hədiyyə qazanacaqlar
Azərbaycan Premyer Liqasının 27-ci turunun “Turan Tovuz” - “Qarabağ” oyunundan sonra qərblilərin yeni tərəfdaşı “İnci Group of Companies” tərəfindən stimullaşdırıcı lotereya keçiriləcək.
Mediasport.az xəbər verir ki, şirkət tərəfindən təqdim olunan 4 növ məişət avadanlığı sahibini tapacaq.
Oyundan sonra lototrondan çıxarılacaq bilet kötükləri ilə matça bilet almış şəxslərin kuponlarının seriya nömrələri üst-üstə düşərsə, uduşlu sayılacaq.
Biletlər Tovuz stadionunun kassasında və şəhərin mərkəzində yerləşən satış məntəqəsində satılır.
2 AZN-lik biletlərlə yanaşı, məhdud sayda olan 5 AZN-lik VİP biletlər də satışdadır.
Qarşılaşma sabah saat 16:00-da başlanacaq.
Xatırladaq ki, Tovuz təmsilçisi analoji kampaniyanı ikinci dəfə təşkil edəcək. Ötən ev görüşündən sonra da bir neçə azarkeş hədiyyə əldə edib.
