Andradeli Kabo Verde Mozambikə qarşı - Afrika Millətlər Kuboku
Afrika Millətlər Kuboku turnirinin final mərhələsinin oyunları davam edir.
Mediasport.az xəbər verir ki, Ekvatorial Qvineya Qvineya-Bisaunu (4:2), Nigeriya Fil Dişi Sahilini (1:0) məğlub edib.
Misir - Qana görüşündə məhsuldar heç-heçə (2:2) qeydə alınıb. Yarışın favoritlərindən sayılan Misir yığması ardıcıl 2-ci oyunda xal itirib.
Ekvatorial Qvineya və Nigeriya A qrupunun turnir cədvəlində 4 xalla 1-2-ci pillələri bölüşdürürlər. Fil Dişi Sahili 3 xalla üçüncü, Qvineya-Bisau 0 xalla sonuncudur.
Misir B qrupunun turnir cədvəlində 2 xalla ikinci, Qana 1 xalla sonuncudur.
Bu gün "Qarabağ"ın futbolçusu Patrik Andradenin də çıxış etdiyi Kabo Verde millisi bu gün Mozambiklə qarşılaşacaq.
Ümumilikdə isə B qrupundan 1, C qrupundan 2 qarşılaşma keçiriləcək.
Afrika Millətlər Kuboku
B qrupu
18:00 Kapo Verde - Mozambik
Xal durumu: Kapo Verde - 3, Misir - 2, Mozambik - 1, Qana - 1
C qrupu
21:00 Seneqal - Kamerun
00:00 Qvineya - Qambiya
Xal durumu: Seneqal - 3, Kamerun - 1, Qvineya - 1, Qambiya - 0
