Premyer Liqa: "Araz-Naxçıvan" klubu tarixi rekordunu təkrarladı
"Araz-Naxçıvan" bir mövsüm ərzində qazanılan qələbə sayında tarixi rekordunu təkrarlayıb.
Mediasport.az xəbər verir ki, Elmar Baxşıyevin çalışdırdığı komanda cari mövsüm çempionatda 9-cu dəfə qalib gəlib.
Muxtar Respublika təmsilçisi Premyer Liqanın 13-cü turunda "Sumqayıt"ı 1:0 hesabı ilə məğlub edib.
Naxçıvan klubu buna qədər mövsüm ərzində ən çox qələbəni ötən mövsüm qazanmışdı.
Komanda 2023/24 mövsümünün 36 görüşündə 9 dəfə üç xala sevinib.
Bu dəfə Baxşıyevin komandası eyni sayda qələbəni 13 matçda qazanıb. Növbəti qələbə yeni rekordla əlamətdar olacaq.
