Azərbaycan cüdoçuları Almaniyada təlim-məşq toplanışlarına qatılıblar
Azərbaycan cüdoçuları Almaniyada beynəlxalq təlim-məşq toplanışında iştirak edirlər.
Mediasport.az xəbər verir ki, oğlanlardan ibarət gənclər yığmamız Beynəlxalq Bremen Masters turnirindən sonra Bremen şəhərində baş tutan hazırlığa qatılıblar.
Cüdoçülarımız martın 30-dək Almanıyanın Hannover şəhərində təşkil olunacaq beynəlxalq təlim-məşq toplanışında da iştirak edəcəklər.
Yeniyetmə qızlardan ibarət komandamız isə Türingiya şəhərində toplanış keçir. Hazırlığa yığmanın 13 üzvü yollanıb.
Təlim-məqş prosesi 6-7 apreldə Çexiyanın Teplitse şəhərində keçiriləcək Avropa Kuboku, 4-5 mayda Göygöldə reallaşacaq Avropa Kuboku, iyun və avqust aylarında baş tutacaq Avropa və dünya çempionatlarına hazırlıq məqsədi daşıyır.
