Azərbaycan komandası sıralamada 29-cu yerə düşdü - Avropa Oyunları
Polşada keçirilən III Avropa Oyunları bu gün yekunlaşacaq.
MediaSport.az xəbər verir ki, yarışa 86 idmançı ilə qatılan Azərbaycan komandası medal sıralamasında bir qədər də geriləyib.
13 növdə təmsil olunan idmançılarımızın gözləniləndən zəif çıxış etməsi komandamızı 29-cu pilləyə qədər düşürüb. Hesabında cəmi 9 medal olan ölkəmiz son günədək sıralamada 29-cu pillədə qərarlaşıb.
2 qızıl, 1 gümüş və 6 bürünc medal qazanmış Azərbaycanın mövqeyi son yarış gününün nəticələrindən asılı olaraq bir qədər də aşağı düşə bilər.
Medal siyahısına İtaliya başçılıq edir. Apenninlilərin hesabında 90 medal var. İspaniya 53 medalla ikinci, Ukrayna isə 39 medalla üçüncü yerdə durur.
