Azərbaycan Kuboku: "Qəbələ" final ümidini cavab matçına saxladı
Futbol üzrə Azərbaycan Kubokunun yarımfinal mərhələsi çərçivəsində növbəti matç bu gün baş tutub.
Mediasport.az xəbər verir ki, Premyer Liqada zəif çıxış edən "Qəbələ" səfərdə "Zirə"nin qonağı olub.
Minimal hesabla məğlub olan bölgə təmsilçisi final ümidini cavab görüşünə saxlayıb.
Raundun digər cütünün ilk duelində "Qarabağ" dünən səfərdə "Neftçi"ni darmadağın edib (4:0).
Cavab qarşılaşmaları aprelin 23 və 24-də oynanılacaq.
Azərbaycan Kuboku. Yarımfinal. İlk oyun
"Zirə" - "Qəbələ" 2:1
Qollar: Salifu Suma, 51, Rafael Utsiq, 66 - Feras Abu Akal, 90.
Hakimlər: İnqilab Məmmədov, Namiq Hüseynov, Vüsal Məmmədov, Tural Qurbanov
Hakim-inspektor: Ramil Diniyev
AFFA nümayəndəsi: Erkin Hüseynov
Zirə İdman Kompleksinin stadionu, 19:00
