Azərbaycanın bayraqdarı universiadada qızıl medal qazanıb
Qazaxıstanın Türkistan vilayətində II Türk Dövlətləri Universiadasının yarışları start götürüb.
Mediasport.az xəbər verir ki, 4 növdə 38 idmançı ilə təmsil olunan Azərbaycan ilk qızıl medalını qazanıb.
Qadınların cüdo yarışında çıxış edən ölkəmizin iki bayraqdarından biri - Ramilə Əliyeva çempion olub. İdmançımız 48 kq-da rəqib tanımayıb.
Digər bayraqdarımız sərbəst güləşçi Vasif Bağırov olub. Yarış noyabrın 10-dək davam edəcək.
