Çempionlar Liqası: Cavab oyunlarının hakimləri açıqlanıb
Futbol üzrə UEFA Çempionlar Liqasının 1/4 final mərhələsinin cavab oyunlarına hakim təyinatları açıqlanıb.
Mediasport.az xəbər verir ki, aprelin 16 baş tutacaq "Barselona" - PSJ matçını (ilk oyun - 3:2) rumıniyalı İştvan Kovaç, "Borussiya" (Dortmund) - "Atletiko" (Madrid) görüşünü (ilk oyun - 1:2) sloveniyalı Slavko Vinçiç idarə edəcək.
Bir gün sonra reallaşacaq "Mançester Siti" - "Real" (Madrid) (ilk oyun - 3:3) duelində söz sahibi italiyalı Daniele Orsato olacaq.
“Bavariya" - "Arsenal" qarşılaşmasında isə ədaləti niderlandlı Denni Makkeli qoruyacaq.
Bütün matçlar Bakı vaxtilə saat 23:00-da start götürəcək.
