Daha bir komanda elitada - VİDEO
2024/2025-ci illər mövsümündə Türkiyə Superliqasında çıxış edəcək daha bir komanda müəyyənləşib.
Mediasport.az xəbər verir ki, 1-ci Liqanın çempionu "Eyüpspor"un ardından “Göztəpə” də Elitaya yüksəlməyi təmin edib.
Bolqarıstanlı Stanimir Stoylovun baş məşqçisi olduğu İzmir təmsilçisi 32-ci turda "Gənclərbirliyi"ni 2:0 hesabı ilə məğlub edərək adını Superliqanın iştirakçıları sırasına yazdırıb.
Sona 2 tur qalmış 66 xal toplayan komanda hesabında 57 xal olan ən yaxın izləyicisi "Sakaryaspor" üçün əlçatmaz olub.
Superliqaya 3-cü vəsiqənin sahibi pley-off görüşləri ilə müəyyənləşəcək.
