"Barselona" "Real"ı darmadağın edib liderliyini möhkəmləndirdi
Dünən dünya futbolunun ən maraqla gözlənilən derbisi İspaniyada baş tutub.
Mediasport.az xəbər verir ki, əzəli və əbədi rəqiblər "Real"la "Barselona" paytaxt təmsilçisinin stadionunda üz-üzə gəliblər.
4 qolun qeydə alındığı prinsipial görüşdə Kataloniya klubu sevinən tərəf olub.
Hans-Diter Flikin komandası rəqibini səfərdə darmadağın edib - Robert Levandovski iki, Lamin Yamal və Rafinya hərəyə 1 qol vurublar.
"Barselona" hazırda yarışın turnir cədvəlində 30 xalla liderdir, "Kral klubu" 24 xalla 2-ci pillədə qərarlaşıb.
