Cəfərquliyev "Qarabağ"ın heyətində Premyer Liqada 100-ə çatdı
"Qarabağ" Azərbaycan Premyer Liqasının 13-cü turunda "Zirə"ni məğlub edib (4:0).
Mediasport.az xəbər verir ki, həmin oyun "köhlən atlar"ın üzvü Elvin Cəfərquliyev üçün əlamətdar olub.
O, Ağdam təmsilçisinin heyətində 100-cü çempionat matçına çıxıb və qəsəbə təmsilçisi ilə görüşə əsas heyətdə başlayıb.
Milli komandamızın üzvünün "Qarabağ"da debütü 2021/2022 mövsümündə baş tutub.
Cəfərquliyev çıxdığı 100 oyunda 8 qolun müəllifi olub.
