İmaməddin Xəlilov dünya üzrə ilin kişi parataekvondoçusu seçildi
İmaməddin Xəlilov dünyanın ən yaxşı kişi parataekvondoçusu seçilib.
Mediasport.az xəbər verir ki, Paralimpiya çempionumuz bu ada Dünya Taekvondo Federasiyası (WT) tərəfindən layiq görülüb.
Bu il ərzində iştirak etdiyi bütün turnirlərdə qızıl medal qazanan idmançımız Paralimpiya, dünya və Avropa çempionu titullarına yiyələnib.
O, həmçinin dünya reytinqinin hazırkı lideridir.
Parataekvondoçumuza mükafat Honkonqda keçirilən qala gecəsində təqdim olunub.
İdmançımız Dünya Taekvondo Federasiyasının Texniki Komissiyasının yekdil rəyi əsasında birinci yeri tutub.
