"Kəndlərdə idmanı inkişaf etdirək" layihəsi Lənkəranda - FOTO
AFFA-nın və Azərbaycan Uşaq Gənclər Futbol Federasiyasının birgə təşkilatçılığı ilə Lənkəran şəhərində "Kəndlərdə idmanı inkişaf etdirək" layihəsi üzrə növbəti tədbir keçirilib.
Mediasport.az xəbər verir ki, tədbirdə AFFA-nın vitse-prezidenti, Milli Məclisin deputatı Rauf Əliyev, Azərbaycan Uşaq və Gənclər Futbol Federasiyasının prezidenti Asif Əliyev, baş katibi Asim Xudiyev, Gənclər və İdman Nazirliyinin əməkdaşı Cavid Cahangirzadə və Cənub Regional Futbol Federasiyasının prezidenti Sakin Məmmədzadə iştirak ediblər.
Rauf Əliyev çıxışında layihənin regionlarda və kəndlərdə idmanın, futbolun inkişafına dair yerinə yetirilməsi istiqamətində atılmış addımların davamı olduğunu, belə tədbirlərin digər regionlarda keçiriləcəyini vurğulayıb.
Tədbirin sonunda uşaqlara futbola marağı artırmaq üçün idman geyimləri və toplar verilib.
