Kolumbiya 1/4 finalda, Braziliya qrupda ilk qələbəsini qazanıb
Futbol üzrə Amerika Kuboku turnirində qrup mərhələsinin 2-ci turunun oyunları yekunlaşıb.
Mediasport.az xəbər verir ki, D qrupu çərçivəsində iki oyun keçirilib.
Gecənin ilk qarşılaşmasında Kolumbiya Kosta-Rikanın qapısından 3 cavabsız top keçirib və pley-offa vəsiqəni təmin edib.
Braziliya azlıqda qalan Paraqvaydan üstün olub və qrupda ilk qələbəsini rəsmiləşdirib. "Real"ın ulduz futbolçusu Vinisius Junior iki qol vurub.
Xatırladaq ki, bu gecə A qrupunda keçiriləcək 2 oyunla üçüncü tura start veriləcək.
Amerika Kuboku. Qrup mərhələsi. 2-ci tur
29 iyun
D qrupu
Kolumbiya - Kosta-Rika 3:0
Qollar: Luis Diaz (penalti), 31; Davinson Sançez, 59; Con Kordoba, 62.
"Foniks Universiteti" stadionu.
Paraqvay - Braziliya 1:4
Qollar: Omar Alderete, 48 - Vinisius Junior, 35, 45+5; Savio, 43; Lukas Paketa (penalti), 65.
Qırmızı vərəqə: Andres Kubas, 81.
"Alleqiant" stadionu.
Xal durumu: Kolumbiya - 6 xal, Braziliya - 4 xal, Kosta-Rika - 1 xal, Paraqvay - 0 xal.
30 iyun
A qrupu
04:00 Argentina - Peru
04:00 Kanada - Çili
Xal durumu: Argentina - 6 xal, Kanada - 3 xal, Çili - 1 xal, Peru - 1 xal.
