Milli komandamız beynəlxalq turniri 10 medalla başa vurub
Azərbaycan boksçuları Belarusun paytaxtı Minskdə Vladimir Botvinnikin xatirəsinə həsr olunan yeniyetmələr arasında beynəlxalq turnirdə 10 medal qazanıblar.
Mediasport.az xəbər verir ki, komandamızın üzvləri 1 qızıl, 9 bürünc medal əldə ediblər.
Millimizin heyətində Nurlan Abışov (57 kq) turnirin qalibi olub. O, finalda yerli Qleb Bondakı məğlub edib. Digər boksçular Əli Məmmədov (46 kq), Məhəmmədəli Məmmədli (50 kq), Bağır Əmirxanlı (52 kq), Sübhan Babayev (54 kq), Turqay Rəhimli (60 kq), Kənan Aslanlı (63 kq), Rza Rzayev (70 kq), Əli Məmişov (80 kq) və Məhəmməd Cəfərov (+80 kq) isə 3-cü yeri tutublar.
Qeyd edək ki, beynəlxalq turnirdə 7 ölkədən 142 idmançı mübarizə aparıb.
