Kubokun qalibi müəyyənləşdi
"Sərhədçi" İdman Mərkəzində basketbol üzrə Azərbaycan Kubokunun final oyunu baş tutub.
Mediasport.az xəbər verir ki, həlledici dueldə "Neftçi" "Xəzri" ilə qarşılaşıb.
Sadıq Sadıqovun rəhbərlik etdiyi "ağ-qaralar" gərgin keçən görüşdə 65:61 hesablı qələbə qazanaraq kubokun qalibi olublar.
Finalın ən dəyərli oyunçusu (MVP) "Neftçi"dən Ulaş Turqut seçilib.
Ən məhsuldar basketbolçular "Neftçi"dən Ulaş Turqut (15 xal, 8 ribaund), "Xəzri"dən Cordan Perkins (15 xal, 13 asist) olublar.
