"Qarabağ" Avropada böyük təcrübəyə malik komandadır"
"Avropada bütün komandalar diqqətli hazırlaşır və biz də istisna deyilik. "Qarabağ"ı da yaxşı tanıyırıq".
Mediasport.az xəbər verir ki, bu sözləri UEFA Avropa Liqasının əsas mərhələsində "Qarabağ"ın rəqibi Norveçin "Budö Qlimt" komandasının baş məşqçisi Kyetil Knutsen deyib.
56 yaşlı mütəxəssis bu axşam doğma meydanda Azərbaycan çempionu ilə çətin oyun olacağını bildirib:
“Köməkçim “Qarabağ”ın oyununu canlı izləyib, yetərincə məlumatımız var. Rəqibi ciddi qiymətləndiririk. "Qarabağ" Avropada böyük təcrübəyə malik komandadır. Bu mövsüm Avropa Liqasında əsas mərhələ yaxşı başlanğıc etməsələr də, kifayət qədər güclü komandadır".
Bu gecə "Budö-Qlimt" - "Qarabağ" matçı Bakı vaxtı ilə 21:45-də başlanacaq.
