"Səbail" - "Sabah" qarşılaşmasında "fərqlənən" oyunçular cəzalandırıldı
AFFA-nın İntizam Komitəsi U-17 Liqasında keçirilən "Səbail" - "Sabah" oyununda yaşananlara hüquqi qiymət verib.
Mediasport.az xəbər verir ki, görüşün sonlarına yaxın - 87-ci dəqiqədə "Səbail"in futbolçusu Əli Quliyev rəqibi təhqir etdiyinə görə qırmızı vərəqə alıb və 3 oyunluq diskvalifikasiya edilib.
Onun komanda yoldaşı Əli Əliyev rəqibi əli ilə vurmağa cəhd etdiyinə görə qırmızı vərəqə ilə cəzalanıb. O, 2 matç komandasına kömək edə bilməyəcək.
"Sabah"ın futbolçusu Akif Allahverdiyev rəqibi vurduğuna və təhqir etdiyinə görə qırmızı vərəqə alıb, 4 oyunluq cəzalandırılıb.
