"Qəbələ" Premyer Liqada son ev oyununda qələbə qazandı
Bu gün futbol üzrə Azərbaycan Premyer Liqasında 35-ci tura yekun vurulub.
Mediasport.az xəbər verir ki, son oyun günündə 1 görüş keçirilib.
Liqanı tərk edəcəyi çoxdan müəyyənləşmiş "Qəbələ" cari Premyer Liqada sonuncu dəfə ev matçına çıxıb.
Bölgə təmsilçisi Premyer Liqada sonuncu ev görüşündə qələbə qazanıb - öz də 3 ay əvvəl klubdan istefa vermiş Elmar Baxşıyevin çalışdırdığı "Araz-Naxçıvan" üzərində.
Turun əvvəlki görüşlərində "Qarabağ" "Turan Tovuz"u (4:3), "Sabah" "Sumqayıt"ı (2:0), "Zirə" "Kəpəz"i (1:0) və "Neftçi" "Səbail"i (3:0) məğlub edib.
Azərbaycan Premyer Liqası. 35-ci tur
“Qəbələ” - “Araz-Naxçıvan”
Qollar: Osama Xalayla, 50, Əyyub Allaş, 87.
Hakimlər: Elvin Bayramov, Vüsal Məmmədov, Tərlan Talıbzadə, Əkbər Əhmədov
Hakim-inspektor: Əmrah İbrahimov
AFFA nümayəndəsi: Rüfət Əmirov
Qəbələ şəhər stadionu, 16:00
