SON DƏQİQƏ! Ağamirova Paris olimpiadasına lisenziya qazandı
Bədi gimnastika üzrə milli komandamızın liderlərindən Zöhrə Ağamirova İspaniyanın Valensiya şəhərində keçirilən dünya çempionatının çoxnövçülük proqramında uğurlu çıxış edib.
mediasport.az xəbər verir ki, Tokio olimpiadasında ölkəmizi təmsil etmiş idmançımızın Paris-2024 Yay Olimpiya Oyunlarına da lisenziya qazanması dəqiqləşib.
Ağamirova buna çoxnövçülük yarışlarında 12-ci pillədə qərarlaşmaqla nail olub.
Qeyd edək ki, bu, Azərbaycan təmsilçilərinin olimpiadaya əldə etdiyi 5-ci vəsiqədir. Ağamirovayadək güllə atıcımız Ruslan Lunyov, boksçularımız Murad Allahverdiyev (80 kq) və Məhəmməd Abdullayev (92), həmçinin çəkicatma yarışlarında Anna Skidan vəzifənin öhdəsindən gəlib.
