AVRO-2025: Milli komandamız Serbiyaya 0:10 hesabı ilə uduzdu
17 yaşadək qızlardan ibarət Azərbaycan millisi Avropa çempionatının seçmə qrup mərhələsində mübarizəyə başlayıb.
Mediasport.az xəbər verir ki, yığmamız B Liqasının 5-ci qrupunda Serbiya seçməsi ilə üz-üzə gəlib.
Lüksemburqun Bettemburq şəhərində yerləşən “Munisipial” stadionunda keçirilən qarşılaşma futbolçularımızın darmadağını ilə nəticələnib.
Nəticədə Serbiya A Liqasına vəsiqə əldə edib.
Millimiz 3 komandalı qrupda son matçını noyabrın 2-də eyni məkanda Lüksemburqa qarşı keçirəcək.
AVRO-2025. B Liqası. Seçmə qrup mərhələsi. 1-ci tur
Serbiya - Azərbaycan 10:0
Qollar: Sara Mitiç, 7, Lorena Petroviç, 18, Maya Çevanoviç, 25, İva Miladinoviç, 38, Hana Sinanoviç, 39, Tamara Lukiç, 45+2, Lana Todoroviç, 57; 61; 90; 90+5.
Baş hakim: Şarlotta Karpenter (Uels).
