"Turan Tovuz"un gəncləri üçün antidopinq seminarı keçirilib
"Turan Tovuz" Futbol Akademiyasının U-19, U-17, U-16 və U-15 komandalarının üzvlərinə və məşqçi heyətinə antidopinq qaydaları üzrə vebinar keçirilib.
Qərb təmsilçisindən Mediasport.az saytına verilən məlumata görə, Azərbaycan Milli Antidopinq Agentliyinin (AMADA) Təhsil proqramları üzrə meneceri Qüdrət Səfərov iştirakçılara dopinq nəzarəti prosesi, qadağan edilmiş siyahı və antidopinq qaydaları haqqında ətraflı məlumat verib.
Eyni zamanda, qadağan olunmuş maddələrdən istifadənin fəsadları, onların qəbuluna görə tətbiq olunan cəzalar, yenilənən siyahı, yarış vaxtı və ondan kənarda test götürülmə qaydaları, eləcə də digər vacib məqamlar diqqətə çatdırılıb.
Sonda isə iştirakçıların sualları AMADA nümayəndəsi tərəfindən cavablandırılıb.
