"Turan Tovuz"un qış planı - Qərblilər Antalyaya yollanacaqlar
Premyer Liqa təmsilçisi "Turan Tovuz" qış təlim-məşq toplanışını Türkiyədə keçirəcək.
Mediasport.az xəbər verir ki, hazırlıq Antalya şəhərindəki Lara bölgəsində baş tutacaq.
Qərb təmsilçisi yanvarın 3-dən 17-dək "Ask Lara" otelində məskunlaşacaq.
Tovuz klubu bu müddətdə 3 yoxlama oyunu keçirəcək.
Hələlik oyunların təqvimi və rəqiblər bəlli deyil.
Xatırladaq ki, "Turan Tovuz" ölkə çempionatının turnir cədvəlində 18 turdan sonra 22 xalla 7-ci pillədə qərarlaşıb.
