"Qarabağ" "Qalatasaray" və "Fiorentina"nı keçdi - UEFA açıqladı
Klubların UEFA reytinqi açıqlanıb.
Mediasport.az xəbər verir ki, tarixi zəfərlə Avropa Liqasında 1/8 finala yüksələn “Qarabağ” 32,000 xalla 56-58-ci yerləri bölüşür.
Komandamız “Fənərbağça” (Türkiyə) və “Seltik”lə (Şotlandiya) eyni xala malikdir.
Əlavə göstəricilərə görə Qlazqo təmsilçisini qabaqlayan Ağdam təmsilçisi 57-cidir.
Avropa Liqasının pley-off mərhələsində “Braqa”nı (Portuqaliya) mübarizədən kənarlaşdıran (4:2, 2:3) Qurban Qurbanovun yetirmələri hesabına 1,000 xal əlavə edib.
Bu bonus xalı nəticəsində cari mövsüm qazanılan əmsalımız 10,000-a çatıb. Son mövsümün nəticələrinə əsasən hesablanan reytinq xalı 32,000-a yüksəlib.
Ötən həftə cədvəldə 59-60-cı yerləri bölüşən “Qarabağ” siyahıda irəliləyib. Komandamız “Fiorentina” (31,000) və “Qalatasaray”"ı (31,500) keçib.
