17-ci tura yekun vurulub
Qadın voleybolçuların Yüksək Liqasında 17-ci turun oyunları keçirilib.
Mediasport.az xəbər verir ki, günün ilk matçında "Milli Aviasiya Akademiyası" və "Murov Az Terminal" komandaları qarşılaşıb.
Görüş ikincilərin 3:2 hesablı qələbəsi ilə yekunlaşıb.
Günün digər oyununda "Azərreyl" "Gəncə"ni qəbul edib. Qarşılaşma "dəmiryolçular"ın 3:0 hesablı rahat qələbəsi ilə başa çatıb.
Tura UNEC - “Abşeron” (0:3) matçı ilə yekun vurulub.
Bu nəticələrdən sonra xallarını 42-yə çatdıran "Azərreyl" turnir cədvəlinə başçılıq edir. "Murov Az Terminal" 37 xalla ikinci, "Abşeron" isə 36 xalla üçüncü pillədə qərarlaşıb.
