Qəbələ Olimpiya İdman Kompleksində seçim məşqləri olub
20 idmançı 1-2 sentyabrda Qəbələ Olimpiya İdman Kompleksində seçim xarakterli məşqlərdə iştirak edib.
Mediasport.az xəbər verir ki, "Oğuz", "Tovuz", "Gəncə" Regional Voleybol klublarının və ətraf bölgələrin 2010-2011 və 2012-ci il təvəllüdlü voleybolçuları iştirak ediblər.
Məşqlər yeniyetmə, gənc oğlanlardan ibarət milli komandaların baş məşqçisi Cahangir Seyed Abbasi tərəfindən keçirilib.
Bu seçimlərin aparılmasında məqsəd 2010-2011 və 2012-ci il təvəllüdlü voleybolçulardan ibarət yığma komandaların formalaşdırılmasıdır.
