"Qəbələ" "Kəpəz"ə qarşı, "Zirə" Sumqayıt səfərində - PREMYER LİQA
Premyer Liqanın 11-ci turu bu gün keçiriləcək iki qarşılaşma ilə davam edəcək.
mediasport.az xəbər verir ki, son turlar qeyri-sabit çıxış edən "Qəbələ" evdə "Kəpəz"i sınağa çəkəcək.
Autsayderlər qrupunda yer alan "Sumqayıt" isə "Zirə"dən xal almağa çalışacaq.
Premyer Liqa. 11-ci tur
“Qəbələ” – “Kəpəz”
Hakimlər: Rəşad Əhmədov, Elşad Abdullayev, Kamran Bayramov, Əli Əliyev
Hakim-inspektor: İmanxan Sultani
Qəbələ şəhər stadionu, 16:00
“Sumqayıt” – “Zirə”
Hakimlər: Fərid Hacıyev, Eyyub İbrahimov, Cəmil Quliyev, Namiq Bəkirov
Hakim-inspektor: Orxan Məmmədov
“Kapital Bank Arena”, 18:30
Turun açılış oyununda lider "Qarabağ" doğma meydanda "Turan Tovuz"dan üstün olub - 3:0. Premyer Liqada 11-ci həftəyə sabah keçiriləcək iki oyunla yekun vurulacaq: "Səbail" "Şamaxı" ilə üz-üzə gələcək, daha sonra mərkəzi matçda "Sabah" "Neftçi"nin qonağı olacaq.
