AÇ-2024: Portuqaliya yığması rəqibinə 9 cavabsız qol vurub
AÇ-2024-ün seçmə qrup mərhələsində 6-cı turun növbəti görüşləri keçirilib.
Mediasport.az xəbər verir ki, iki qrupda 5 matç oynanılıb.
J qrupunun lideri Portuqaliya yığması tarixinin ən böyükhesablı qələbəsinə imza atıb. Roberto Martinesin komandası doğma meydanda Lüksemburq yığmasının qapısından 9 cavabsız top keçirib. Millinin bunadək ən böyük qələbələri Lixtenşteyn və Küveyt üzərində olmuşdu - 8:0. Azərbaycan yığmasına isə 1999-cu ildə 7:0 hesabı ilə qalib gəliblər.
Pireneylilər eyni zamanda bu seçmə mərhələdə Fransa ilə birlikdə qol buraxmayan 2 kollektivdən biridirlər.
AÇ-2024. Seçmə qrup mərhələsi. 6-cı tur
D qrupu
Ermənistan - Xorvatiya 0:1
Latviya - Uels 0:2
Xal durumu: Xorvatiya - 10, Türkiyə - 10, Ermənistan - 7, Uels - 7, Latviya - 0.
J qrupu
Portuqaliya - Lüksemburq 9:0
İslandiya - Bosniya və Herseqovina 1:0
Slovakiya - Lixtenşteyn 3:0
Xal durumu: Portuqaliya - 18, Slovakiya - 13, Lüksemburq - 10, Bosniya və Herseqovina - 6, İslandiya - 6, Lixtenşteyn - 0.
