Avropa çempionatı: Millimizin rəqibləri bu tarixdə məlum olacaq
2025-ci ildə 19 yaşadək futzalçılar arasında keçiriləcək Avropa çempionatına Moldova evsahibliyi edəcək.
Mediasport.az xəbər verir ki, məsələ ilə bağlı UEFA İcraiyyə Komitəsi qərar qəbul edib.
Qarşılaşmalar gələn il 28 sentyabrdan 5 oktyabra qədər "Kişinyov Arena"da baş tutacaq.
Sayca 4-cü dəfə təşkil olunacaq qitə birinciliyinin seçmə oyunlarının da tarixləri açıqlanıb.
31 oktyabrda seçmə mərhələlərin püşkü atılacaq.
İlkin mərhələnin oyunları gələn il yanvarın 21-dən 26-dək, əsas mərhələnin görüşləri 25-30 martda keçiriləcək.
U-19 yığmamız mübarizəyə indiyə qədər əsas mərhələsindən başlayıb.
Komandaların yeni mövsümə hansı mərhələdən başlayacağı reytinq cədvəli əsasında müəyyənləşəcək.
"Kişinyov Arena" 2022-ci ilin dekabrında istifadəyə verilib, 5000 tamaşaçı tutumuna malikdir.
