Avropa Liqası: "Qarabağ"ın oyununun biletləri satışa çıxarılır
UEFA Avropa Liqasının qrup mərhələsinin ilk turu çərçivəsində keçiriləcək “Qarabağ” - “Molde” (Norveç) oyununun biletləri satışa çıxarılır.
Mediasport.az xəbər verir ki, azarkeşlər biletləri bu gün saat 12:00-dan "İticket.az" saytından əldə edə bilərlər.
Tofiq Bəhramov adına Respublika stadionunda baş tutacaq matçın biletlərinin qiyməti müvafiq olaraq 5, 20, 40 və 100 manatdır.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 200 manatdır.
Sentyabrın 21-də oynanılacaq görüş saat 20:45-də başlanacaq.
Satış məntəqələri:
"İticket.az"ın satış məntəqələri (iticket.az-da onlayn satış);
Park Bulvardakı “Qarabağ” FK-nın Fan-Şopu;
Tofiq Bəhramov adına Respublika stadionunun kassaları
