Azərbaycan çempionatında növbəti oyunların vaxtı və yeri dəqiqləşib
Kişi voleybolçular arasında Azərbaycan çempionatında növbəti oyunların keçirilmə yeri və vaxtı dəqiqləşib.
Mediasport.az xəbər verir ki, ölkə çempionatının növbəti matçları noyabrın 22-də və 23-də təşkil olunacaq.
Bu gün MOİK Yüksək Liqada növbəti görüşünü “Neftçi”yə qarşı keçirəcək. Oyun saat 18:00-da başlanacaq.
Sabah isə ilk olaraq meydana “Azərreyl” və “Murov Az Terminal” komandaları çıxacaqlar. Matç saat 16:00-da start götürəcək.
“Xarı Bülbül Şuşa” - “Xarı Bülbül Laçın” klublarının qarşılaşması saat 19:00-a təyin edilib. Bu duel “CBC Sport” kanalı vasitəsilə canlı yayımlanacaq.
Hər üç görüş GİN-nin Voleybol Mərkəzində təşkil olunacaq.
