Gimnaziadada 81 medal qazanmış idmançılarımız Vətənə qayıdıblar
Bəhreynin paytaxtı Manama şəhərində keçirilmiş Gimnaziada İdman Oyunlarında çıxış etmiş Azərbaycan nümayəndə heyəti, idmançılar Vətənə qayıdıblar.
Mediasport.az xəbər verir ki, onları Heydər Əliyev Beynəlxalq Aeroportunda media nümayəndələri, azarkeşlər və idmançıların yaxınları qarşılayıblar.
Xatırladaq ki, Azərbaycan yarışda 16 idman növündə (aerobika, bədii və idman gimnastikası, badminton, boks, kamandan oxatma, güləş, tennis, taekvondo, stolüstü tennis, qılıncoynatma, şahmat, cüdo, paracüdo, üzgüçülük və paraüzgüçülük) 160 idmançı ilə təmsil olunub.
Komandamız ümumilikdə 26-sı qızıl, 26-sı gümüş, 29-u bürünc olmaqla, 81 medal qazanıb.
