Güləşçilərimizi olimpiadada digərləri əvəz edə bilərlər - SİYAHI
Dünya Güləş Birliyi (UWW) Paris-2024 Yay Olimpiya Oyunlarına ən çox lisenziya qazanmış güləşçilərin ölkələr üzrə siyahısını açıqlayıb.
Azərbaycan sıralamada 3-cü pillədə qərarlaşıb.
Ümumilikdə 12 güləşçimizin vəsiqə əldə etdiyi 4-illiyin zirvə yarışında ölkəmiz lisenziya sayında yalnız ABŞ və Yaponiyadan geri qalır.
Fransa paytaxtında ABŞ 15, Asiya ölkəsi isə 13 güləşçi ilə təmsil olunacaq.
Millimiz Türkiyə, İran, Çin kimi güləş ölkələrini geridə qoyub.
Xüsusi qeyd edək ki, güləşdə olimpiya lisenziyası idmançıya yox, ölkəyə verilir.
Yəni, zədə və ya digər səbəblərdən idmançı olimpiadaya yollana bilməzsə, qazanılmış çəkilərdə başqa güləşçilər şans əldə edəcəklər.
Azərbaycanın "Paris-2024"ə lisenziya qazanan güləşçiləri
Sərbəst güləş
57 kq Əliabbas Rzazadə
65 kq Hacı Əliyev
74 kq Turan Bayramov
86 kq Osman Nurmaqomedov
97 kq Maqomedxan Maqomedov
125 kq Giorgi Meşvildişvili
Yunan-Roma güləşi
60 kq Murad Məmmədov
67 kq Həsrət Cəfərov
77 kq Sənan Süleymanov
87 kq Rafiq Hüseynov
130 Sabah Şəriəti
Qadın güləşi
50 kq Mariya Stadnik
Mediasport.az
