Azərbaycan Kubokunu qazanmış məşqçi Premyer Liqada - RƏSMİ
![Azərbaycan Kubokunu qazanmış məşqçi Premyer Liqada - RƏSMİ](https://mediasport.az/uploads/images/202309/image_750x_6503666a1d87f.jpg)
2017-ci ilin dekabrından 2018-ci ilin yayına qədər "Keşlə"nin (indiki "Şamaxı") baş məşqçisi olmuş Yuri Maksimovun yeni klubu müəyyənləşib.
Mediasport.az xəbər verir ki, 54 yaşlı mütəxəssis Ukraynanın "Dnepr-1" klubunu çalışdıracaq.
Premyer Liqa təmsilçisi ukraynalı mütəxəssislə 2 illik müqavilə bağlayıb.
Liqada işləri qaydasında getməyən Dnepr klubu hazırda 6 turdan sonra 5 xalla 13-cü pillədə qərarlaşıb.
Qeyd edək ki, Maksimov "Keşlə"yə Azərbaycan kubokunu qazandırıb.
O, son olaraq Ukraynanın 2-ci Liqa klubu "Zvyagel"də (Jitomir) çalışıb.