Azərbaycan milli komandası yarımfinalda mübarizəni dayandırıb
Azərbaycanın qadınlardan ibarət həndbol millisi Özbəkistanın paytaxtı Daşkənddə keçirilən Mərkəzi Asiyanın Açıq Çempionatında mübarizəni yarımfinalda dayandırıb.
Mediasport.az xəbər verir ki, qrupda 3 görüşü qələbə ilə başa vuran komandamız final yolunda "Özbəkistan TJ" komandası ilə qarşılaşıb.
Gərgin keçən matç meydan sahiblərinin minimal hesablı qələbəsilə yekunlaşıb - 29:28.
Qeyd edək ki, Azərbaycan millisi qrupda ALMATA klubuna 28:20, ROPSTTM komandasına 39:31, OKMK kollektivinə isə 30:28 hesabı ilə qalib gəlmişdi.
