Yığmamız EEVZA-ya Estoniya yığması ilə duellə başlayacaq
20 yaşadək oğlan voleybolçulardan ibarət Azərbaycan milli komandası bu gün Polşada keçirilən Şərqi Avropa Voleybol Zonal Assosiasiyası (EEVZA) çempionatında birinci görüşünü keçirəcək.
Mediasport.az xəbər verir ki, yığmamız Bakı vaxtı ilə saat 22:00-da Estoniya ilə üz-üzə gələcək.
Səbuhi Əliyevin çalışdırdığı komanda turnirdə Latviya, Ukrayna və Polşa ilə də qarşılaşacaq.
Yanvarın 14-də başa çatacaq yarış qitə birinciliyinə - AVRO-2024-ə vəsiqə əldə edəcək.
Xatırladaq ki, 20 yaşadək qız voleybolçulardan ibarət Azərbaycan millisi bu il EEVZA-da keçirdiyi bütün oyunlarda məğlub olub.
