Azərbaycan - Slovakiya oyununun biletləri 3 manatdan satışa çıxarıldı
Azərbaycan millisi UEFA Millətlər Liqasının qrup mərhələsinin 4-cü turunda Slovakiyanı qəbul edəcək.
Mediasport.az xəbər verir ki, Tofiq Bəhramov adına Respublika Stadionunda keçiriləcək qarşılaşmanın biletləri artıq satışa çıxarılıb.
Oyunu stadiondan canlı izləmək üçün biletləri "iTicket.az"ın satış məntəqələrindən ("Gənclik Mall", "28 Mall", Köşk No1 (Sahil m. M.Rəsulzadə 3), Köşk No2 (Bülbül prospekti, Nizami küç.), 1 Saylı ASAN xidmət mərkəzi, 2 Saylı ASAN xidmət mərkəzi, 3 Saylı ASAN xidmət mərkəzi, 4 Saylı ASAN xidmət mərkəzi, 1 Saylı Sumqayıt Regional ASAN xidmət mərkəzi) almaq mümkündür.
Biletlərin qiymətləri 3-30 manat aralığındadır (1-ci Kateqoriya - 10 AZN, 2-ci Kateqoriya - 5 AZN, 3-cü Kateqoriya - 3 AZN, VİP 1 - 20 AZN, VİP 2 - 30 AZN).
Xatırladaq ki, Azərbaycan - Slovakiya görüşü 14 oktyabr, 20:00-də keçiriləcək.
