Azərbaycan yığmasının Dünya Seriyasında rəqibləri müəyyənləşdi
Azərbaycanın 3x3 basketbol millisinin Dünya Qadın Seriyasının Bakı mərhələsindəki rəqibləri müəyyənləşib.
Mediasport.az xəbər verir ki, 16 komandanın iştirak edəcəyi yarışda yığmamız C qrupunda mübarizə aparacaq.
Əsas raunddan yarışa qatılacaq təmsilçimiz Almaniyanın “Düsseldorf ZOOS” klubu və təsnifat mərhələsinin A qrupunda ilk pilləni tutacaq komanda ilə görüşəcək.
Avqustun 17-də “Düsseldorf ZOOS”la üz-üzə gələcək komandamız həmin gün təsnifatdan gələn komanda ilə də qarşılaşacaq.
İlk görüş saat 16:50-də, növbəti qarşılaşma isə 18:30-da başlanacaq.
Qeyd edək ki, Bakı mərhələsi avqustun 17-si və 18-də keçiriləcək.
