"Barselona"nın prezidenti Xuan Laporta Müslüm Maqomayevin məşhur mahnısını oxuyur - VİDEO
"Barselona"nın prezidenti Xuan Laporta "Azərbaycan" mahnısını oxuyub.
Mediasport.az xəbər verir ki, bu haqda Kataloniya təmsilçisi ilə dostluq əlaqələri olan Azərbaycan Koşiki Karate-do Federasiyasının fəxri prezidenti, iş adamı Adnan Əhmədzadə sosial şəbəkə hesabında paylaşım edib.
O, sözləri Azərbaycan şairi Nəbi Xəzriyə, musiqisi əfsanəvi SSRİ Xalq artisti Müslüm Maqomayevə məxsus mahnını ifa edib və Laporta da ona qoşulub.
Xatırladaq ki, "Barselona"nın sabiq ulduzu Lionel Messi ilə də ailəvi yaxınlığı olan Əhmədzadə Azərbaycanda "Bolmart", "Rahat Market", "Port Baku Bazar" market şəbəkələrinin sahibi kimi tanınır.
O, ötən ildən "ABDA Invest Holding"in təsisçisi və sədridir.
